ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދުގެ ކޮއްކޮ ނާޒިމް ސައްތާރުގެ ޕާސްޕޯޓު ހިފަހައްޓައިފިއެވެ.
ނާޒިމްގެ ޕާޕޯޓް ހިފަހައްޓާފައި މިވަނީ އޭނާ ޒުވާން ފިރިހެނަކާއެކު އެއްޖިންސުން ގުޅުން ހިންގަނިކޮށް ފެންނަ ވީޑިއޯއެއް އާންމުވެފައިވާ މައްސަލައަކާ ގުޅިގެންނެވެ.
ފުލުހުންގެ އިސް އޮފިސަރަކު "ދިޔަރެސް"އަށް މައުލޫމާތު ދެއްވަމުން ނާޒިމްގެ ޕާސްޕޯޓް ހިފަހައްޓާފައިވާކަން ކަށަވަރު ކޮށްދީފައިވެއެވެ.
ނަމަވެސް ފުލުހުންގެ މީޑިއާ އޮފިޝަލް ރަސްމީކޮށް އެކަން ކަށަވަރުކޮށްދީފައެއް ނުވެއެވެ.
ނާޒިމް މިހާރު ވަނީ އޭނާގެ ޓްވީޓާ އެކައުންޓް ޑީއެކްޓިވޭޓްކޮށްލާފައެވެ.