ފަތުރުވެރިކަމުގެ ނަފާ މޯލްޑިވިއަންއަށް ނުނެގެނީ ހިންގުމުގައި ހުރި މައްސަލަތަކުގެ ސަބަބުން: އަލީ ހުސައިން
ޤައުމީ އެއާލައިން މޯލްޑިވިއަންއަށް ފަތުރުވެރިކަމުން ފައިދާ ނުނެގެނީ އެ ކުންފުނި ހިންގުމުގައި ބޮޑެތި ސީރިއަސް މައްސަލަތަކެއް ހުރުމުން ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު އަލީ ހުސައިން ވިދާޅުވެއްޖެއެވެ.
އަލީ ހުސައިން މިފަދައިން ވިދާޅުވީ ޤައުމީ އެއާލައިނަށް ފާއިތުވި އަހަރުގައި ބޮޑު ގެއްލުމެއް ވުމާ ގުޅިގެން ކުރެއްވި ޓުވީޓެއްގައެވެ.
މިދިޔަ އަހަރު މޯލްޑިވިއަންއަށް ލިބިފައިވަނީ 1.2 ބިލިއަން ރުފިޔާގެ އާމްދަނީއެކެވެ.
މޯލްޑިވިއަންއަށް އެންމެ ބޮޑު އާމްދަނީއެއް ލިބެނީ ޑޮމެސްޓިކް ދަތުރުތަކުންނެވެ. އެގޮތުން ރާއްޖޭގެ އެކި ހިސާބުތަކުގައި ތަރައްގީ ކޮށްފައިވާ 16 އެއާޕޯޓުގެ ތެރެއިން 13 އެއާޕޯޓަށް މޯލްޑިވިއަންއިން ދަތުރުކުރެއެވެ.
ނަމަވެސް ކޮވިޑާ ގުޅިގެން ބޯޑަރު ބަންދުކޮށް، ދަތުރުފަތުރު ކުރުން ހުއްޓާލުމާ ގުޅިގެން 2020 ވަނަ އަހަރު މޯލްޑިވިއަންއަށް ބޮޑު ގެއްލުމެއް ވިއެވެ. އެ އަހަރު އެ ކުންފުންޏަށް 400 މިލިއަން ރުފިޔާގެ ގެއްލުން ލިބުނެވެ.
މޯލްޑިއަންއަށް ބޮޑު ގެއްލުމެއްވާ މައްސަލައާ ގުޅިގެން ކުރެއްވި ޓުވީޓުގައި އަލީ ހުސައިން ވިދާޅުވީ ޤައުމީ އެއާލައިން ދަނީ ބަނގުރޫޓުވުމާ ދިމާލަށް ކަމަށެވެ. އަދި މޯލްޑިވިއަންއަށް ފަތުރުވެރިކަމުގެ ފައިދާ ނުނެގެނީ އެ ކުންފުނީގެ ހިންގުމުގައި ބޮޑެތި ސީރިއަސް މައްސަލަތަކެއް ހުރުމުންކަމަށްވެސް އޭނާ ވިދާޅުވިއެވެ.
ދެ ރައީސުންގެ ވެރިކަމުގައި ނަގާފައިވާ ލޯނުތަކާއި ދަރަނީގެ ހިސާބު
ސަރުކާރަށް ފާޑުކީ ނޫސްވެރިޔަކު ޕާކިސްތާނުގައި ހައްޔަރުކޮށްފި
އުތުރުތިލަފަޅުން ގޯތި ދޭތޯ ބަލަން ދިޔަ ނޫސްވެރިންގެ މައްސަލަ ފުލުހަށް ހުށަހަޅައިފި
ކުރީގެ އޮޑިޓާ ޖެނެރަލް ނިޔާޒު ހެދި ދޮގު ފަޟީހަތްވެއްޖެ
