ބ. އަތޮން ކޮވިޑް ބަލީގައި މީހަކު ނިޔާވެއްޖެއެވެ.
ބ.އަތޮޅު ކޮވިޑް މެނޭޖުމަންޓު ފެސިލިޓީގައި ފަރުވާ ދެމުން ދަނިކޮށް ނިޔާވީ އުމުރުން 80 އަހަރުގެ ދިވެހި އަންހެނެކެވެ. އެމީހާ މަރުވީ މިއަދު ހެނދުނު 6:35 ހާއިރު ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެއެވެ.
އިއްޔެ އާއި މިދިޔަ ހުކުރު ދުވަހު ވެސް ރާއްޖެއިން ވަނީ މިބަލީގައި މީހަކު ނިޔާވެފައެވެ. އިއްޔެ ނިޔާވެފައި ވަނީ އައްޑޫ ސިޓީގައި ކޮވިޑަށް ފަރުވާ ދެމުން ދިޔަ މީހެކެވެ.
މިއަދު ހެނދުނު މި ބަލީގައި މީހަކު ނިޔާވުމާ ގުޅިގެން ކޮވިޑުގައި ރާއްޖެއިން ނިޔާވި މީހުންގެ އަދަދުވަނީ 258 އަށް އަރާފައެވެ.