އީރާނަށް ދިން ސައިބާ ހަމަލާއެއްގެ ސަބަބުން އެ ޤައުމުގެ އެކި ކަންކޮޅުތަކުގައި ހުރި ގޭސް ސްޓޭޝަންތައް ބޭނުންނުކުރެވި ގިނަ ބަޔަކު ދިގު ކިއުތަކުގައި މަޑުކުރަން ޖެހިއްޖެއެވެ.
މި ހަމަލާގެ ޒިންމާ މިހާތަނަށް އެއްވެސް ބަޔަކު ނަގާފައިނުވާއިރު، އަގުހެޔޮކޮށް ތެޔޮ ގަތުމަށް ބޭނުންކުރަން ސަރުކާރުން ދޫކޮށްފައިވާ އިލެކްޓުރޯނިކު ކާޑުތައް އެއްވެސް ގޮތަކަށް ބޭނުންނުކުރެވޭ ގޮތް މި ހަމަލާގެ ސަބަބުން މެދުވެރިވިއެވެ.
މި ހަމަލާއަކީ މީގެ މަސްތަކެއް ކުރިން އެ ޤައުމުގެ އެންމެ މަތީ ލީޑަރު އާޔަތުﷲ ޢަލީ ޚާމަނާއީގެ ބާރުތަކަށް ގޮންޖަހައި ދިން އެހެން ހަމަލާއަކާ އެއްގޮތް ގިނަ ކަންތައްތަކެއް ފާހަގަކުރެވުނު ހަމަލާއެކެވެ. މި ހަމަލާތަކުގެ ސަބަބުން އެމެރިކާއިން އަޅާފައިވާ ދަތިކުރުމުގެ ފިޔަވަޅުތަކުގެ ސަބަބުން އީރާނުގެ އިޤުތިޞާދަށް ކުރިމަތިވެފައިވާ ހީނަރުކަމުގެ އުދާސް އިތުރަށް ބޮޑުވިއެވެ.
އެމެރިކާއާއި އީރާނާ ދެމެދުގައި ކުރިން އޮތް ނިއުކުލިއާ އެއްބަސްވުމަށް އަނބުރާ ދެ ޤައުމުން އިއާދަނުވެ ޚިޔާލުތަފާތުވުންތައް ބޮޑުވަމުންދާއިރު އީރާނުގެ އިޤުތިޞާދީ ހާލަތު ދަނީ ދުވަހަކަށްވުރެ ދުވަހެއް ހީނަރުވަމުންނެވެ.
އީރާނުގެ ވެރިރަށް ތެހެރާނުގައި ގިނަ ބަޔަކު ސަފުތައް ހަދައިގެން ތެޔޮ އަޅަން މަޑުކޮށްގެން ތިބި މަންޒަރު އެ ޤައުމުގެ ދައުލަތުގެ ޓީވީ ޗެނަލުން ދެއްކިތާ ކުޑަ ހިދުކޮޅެއްގެ ތެރޭގައި ސަރުކާރުގެ ސަލާމަތީ މަޖިލީހުގެ މެންބަރަކާ ހަވާލާދީ ސައިބާ ހަމަލާއެއް އެ ޤައުމަށް އަމާޒުވިކަން އެ ޗެނަލުންވަނީ ކަށަވަރުކޮށްދީފައެވެ.
އެ ޤައުމުގެ ރަސްމީ ނޫސް އެޖެންސީން ރިޕޯޓުކުރި ގޮތުގައި އަގުހެޔޮކޮށް ތެޔޮ ގަންނަން ބޭނުންކުރުމަށް ސަރުކާރުން ދޫކޮށްފައިވާ ކާޑު ބޭނުންކުރުމުން މިހާރު މެޝިނުތަކަށް އަންނަ މެސެޖަކީ "ސައިބާ އެޓޭކް 64411" އެވެ.
މި ކާޑަކީ އީރާނުގެ ގިނަ ބަޔަކު އިޤުތިޞާދީ ކާރިސާތަކުގެ ވަގުތުގައި ތެޔޮ ގަތުމަށް ބޭނުންކުރާ ކާޑެއް ކަމަށް ބައިނަލްއަޤުވާމީ މީޑިއާގައި ރިޕޯޓުކޮށްފައިވެއެވެ.
ތިލަފުށީ ލޭންޑް ފިލް ފުރި، ކުނި ގެންދަން އެހެން ސަރަހައްދެއް ހަމަޖައްސަނީ
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
