މިއަހަރުގެ ފުރަތަމަ 5 މަސް ތެރޭގައި މުދަލު ޒަކާތުގެ ގޮތުގައި ދައުލަތަށް 34.1 މިލިއަން ރުފިޔާ ލިބިއްޖެއެވެ.
މޯލްޑިވްސް އިންލޭންޑް ރެވެނިއު އޮތޯރިޓީ އިން އާންމުކޮށްފައިވާ ހިސާބުތައް ދައްކާ ގޮތުން 1 ޖެނުއަރީ 2021 އިން 31 މޭއި ގެ ނިޔަލަށް މީރާ އިން ވަނީ މުދަލު ޒަކާތުގެ ގޮތުގައި 34.1 މިލިއަން ރުފިޔާ ބަލައިގެންފައެވެ. މިއީ މި މުއްދަތުގައި މީރާއަށް ބަލައިގަތް އާމްދަނީގެ 0.5 އިންސައްތައެވެ. ޖުމްލަ 34.1 މިލިއަން ރުފިޔާގެ ތެރެއިން ދިވެހި ރުފިޔާއިން ލިބިފައިވަނީ 33.9 މިލިއަނެވެ. އަދި 13،657 ޑޮލަރު ލިބިފައިވެއެވެ.
ފާއިތުވި އަހަރުގެ މި މުއްދަތުގައި މުދަލު ޒަކާތުގެ ގޮތުގައި މީރާ އިން ބަލައިގެންފައިވަނީ 19 މިލިއަން ރުފިޔާއެވެ. އެހެން ކަމުން މިއަހަރު މުދަލު ޒަކާތުގެ ގޮތުގައި ލިބުނު މިންވަރު މިވަނީ 44 އިންސައްތައިން އިތުރުވެފައެވެ.
މޭއި މަހަށް އެކަނި ބަލާއިރު، އެ މަހުގައި 10.8 މިލިއަން ރުފިޔާ މުދަލު ޒަކާތުގެ ގޮތުގައި މީރާ އިން ބަލައިގަނެފައިވެއެވެ. މޭއިމަހުގައި މުދަލު ޒަކާތް ބަލައިގަތް މިންވަރު އަހަރުގެ އެހެން މަސް މަހާ އަޅާ ބަލާއިރު ގިނަ ވެފައިވަނީ، ރަމަޟާން މަސް ވެސް އައީ މޭއި މަހުގައި ކަމުން އާންމުކޮށް ވަރަށް ގިނަ ފަރާތްތަކުން ރަމަޟާން މަހު މުދަލު ޒަކާތް ދައްކާތީ ކަމަށް ބެލެވެއެވެ
ރައީސް ޑިމޮކްރެޓްސް ހަރުގެ ކައިރިން ވަޑައިގަންނަވަނިކޮށް "ޗޯރު އިބޫ"އަށް ގޮވައިފި
ގަލްފްކޯޕަރޭޝަން ކައުންސިލާއި، އެމެރިކާގެ ވަޒީރުންގެ ބައްދަލުވުމުން ގުޅިފައިވާ ބަޔާނެއް ނެރެފި
ރައީސް ޔާމީންގެ އުޖާލާ ޒަޢާމަތެއްގެ ޒަމާން ރައްޔިތުން އަދިވެސް ބޭނުންވޭ: ޝިޔާމް
ސޫދާންގެ ޔަތީމުޚާނާއިން އެތައް ސަތޭކަ ކުއްޖަކު ސަލާމަތްކޮށްފި
