އަންގާރަދުވަހުގައި ވޯލްވާހެމްޕްޓަނާ ދެކޮޅަށް އާސެނަލް ކުޅުނު މެޗުގައި އެ ޓީމުގެ ގޯލުކީޕަރު ބާންޑް ލެނޯއަށް ރަތްކާޑު ދައްކައި ދަނޑުން ފޮނުވާލައިފިއެވެ.
އަންގާރަދުވަހުގެ މެޗުގައި ލެނޯގެ އިތުރަށް އާސެނަލްގެ މުހިއްމު ޑިފެންޑަރު ޑޭވިޑް ލުއިޒްއަށްވެސް ރަތްކާޑު ދައްކާފައިވެއެވެ. އެއާއެކު އާސެނަލް ކުޅެންޖެހުނީ 9 ކުޅުންތެރިންނާއެކުއެވެ.
ލުއިޒްއަށް ރަތްކާޑު ދައްކައި ދަނޑުމަތިން ފޮނުވައިލިއިރު، އާސެނަލް އޮތީ ކުރީގައެވެ. އެއިރު 1-0 ގެ ނަތީޖާއަކުން އާސެނަލަށް ލީޑު ލިބިފައި އޮތެވެ. އެހެންނަމަވެސް ވިލިއަން ޖޯސޭއަށް ޕެނަލްޓީ އޭރިއާގައި ކުރި ފައުލަކާ ގުޅިގެން ލުއިޒްއަށް ރަތްކާޑު ދެއްކީއެވެ.
ލެނޯއަށް ރަތްކާޑު ދެއްކީ މެޗުގެ 72 ވަނަ މިނިޓުގައި ގޯލު އޭރިއާއިން ބޭރުގައި ބޯޅާގައި އަތްލައިގެންނެވެ.